A Cova da Terra é moito máis que a tenda de comercio xusto e consumo responsable. Somos sobre todo un grupo de xente traballando con ilusión por outros obxectivos.

Deseñamos e levamos adiante campañas de sensibilización en centros educativos, colectivos sociais, na rúa.

Apoiamos aos pequenos produtores de comercio xusto con importacións directas, axudamos tamén á súa cohesión e afianzamento a través de proxectos de desenvolvemento.

Fomentámo-lo coñecemento, o debate e as accións en economía alternativa, agroecoloxía, consumo responsable, cooperación.

Traballamos ademais no tecido de redes sociais apoiando iniciativas, uníndonos a plataformas reivindicativas e fomentando o traballo conxunto.

Dispoñemos no local dun punto de información e dun caixa de correo para asociacións.

Na tenda temos unha sección onde vendemos distintos produtos de diversas asociación.

Ofrecémo-lo noso local a calquera colectivo como espazo para charlas, roldas de prensa, exposicións, obradoiros, . . . ¡o que se vos ocorra!

Para calquera consulta ou aclaración contacta con nós.