1.     Mercado Popular o 12 de maio!

     Convidámosvos a participar no Mercado Popular que se vai celebrar o vindeiro día 12 de maio, na Praza Maior de Lugo a partires das 11 h. A idea deste é a construción colectiva dun espazo de intercambio dentro dun comercio alternativo: con prezos xustos, sen intermediarios e baixo unha produción e consumos responsables. Queremos que o día 12 a economía real, a de sempre, a non especulativa nin abusiva, saia á rúa, propoñendo a produtores e consumidores outro xeito de intercambio.

     Haberá postos de venda de Comercio Xusto, de produtores locais, de artesáns, de degustación, mercado de troco, posto de información sobre Banca Ética e os de tod@s aqueles que queiran achegarse á praza vender o que fan, o que teñen e non usan ou simplemente os que precisan desfacerse dos seus bens.

     Este é un chamamento a tod@s vós: non importa a idade, nin o que queirades vender, a idea é que saiades á rúa coa intención de facer da economía algo respectable, próximo e bo. Só existe o requisito de que cada quen se responsabiliza do seu posto (soporte no que se expoña o que queira vender). Todo o demais farémolo entre as persoas, porque a economía de verdade é iso, un intercambio xusto de bens ou servizos. 

      Haberá tamén mercado de troco para os que prefiran este xeito de intercambio.

    

     Ademais da feira do día 12, están previstas outras dúas actividades nesa semana:

  ·         O día 8 ás 20.00 no local da Cova da Terra haberá unha charla informativa impartida por FIARE: “É posible unha Banca Ética? Si”. 

 

·         O día 10 ás 20.00 proxectarase a película documental “The Shock Doctrine” (A Doutrina do Shock) dentro do ciclo de cineforum que A Cova, Mádia Leva e a CIG levan desenvolvendo dende o pasado mes de marzo.

 

  2.     Cambia a data do Clube de Lectura 

Avisámosvos de que o vindeiro Clube de Lectura que estaba previsto para o 29 de maio, vese aprazado ata o 5 de xuño.

Todo é silencio, de Manuel Rivas, será o libro a debater. Contaremos coa presenza de Dalila Dopazo Blanco (Maxistrada en Lugo e membro de Xuíces pola Democracia) e realizarase na libraría Trama (Avda. Coruña, 21) ás 20h.

  

3.     O Recuncho do Asociad@ 

¨     Propóñennos esta lectura baixo o título: “As consecuencias de negar a sanidade ao inmigrante irregular”.

¨     A Masa Crítica de Lugo estase organizando para ir á Pucelona (Masa Crítica Mundial en Valladolid, o 12 de maio de 2012). Bótalle un ollo ao vídeo da concentración do ano pasado e anímate a participar. Aquí. 

¨     Xa está na rede a Guía Vermella e Verde de alimentos transxénicos editada por Greenpeace. Descargar aquí.

  

4.     Novas da tenda 

v Avisos

Mañá é o día Internacional d@s traballador@s polo que non haberá reparto a domicilo.

Os lácteos de Arqueixal chegan o luns e o produto de Valdoviño (Fernando) virá só o xoves. O produto de Navarra (Gumendi) non se ve afectado polo festivo.

Hoxe non ven cenoria pero o máis seguro é que si que a haxa o mércores.

A laranxa de Valencia non chegará ata fins desta semana.

v Produto fresco 

Hoxe,  30 de abril de Navarra (Gumendi) teremos: aguacate, allo, plátano, alcachofa, apio,  brécol, cabaciño, espárrago verde, xenxibre, xudía, leituga, pemento vermello, pemento verde, seta shiitake e tomate.  

  

5.     Boletín Kandaharia

¨     Xa disponible o Manual de Desobediencia Económica en pdf. Útil ferramenta práctica para derivar os nosos recursos na construción de alternativas ao sistema económico actual. Descárgao para ler, compartir e desobedecer!

¨     Unha campaña informativa a pé de rúa en Melide constata a preocupación dos e das melideses ante o perigo inminente de ser intoxicados por Flufexonuron. Dende a Plataforma contra as Fumigacións, por un futuro sen pesticidas, achéganos esta nota de prensa así como nos informan sobre os últimos acontecementos arredor das fumigacións que ten previstas facer a Xunta de Galicia. Saber máis.

¨     Entrevista a Oscar Horta, profesor de ética na Universidade de Santiago e membro de Equanimal, a raíz da charla ofrecida en Lugo o pasado día 24 baixo o título: “Métodos de experimentación sen animais”. Escoitar.

 

 

6. Actividades en Lugo 

¨     VIII Xornadas Internacionais Rurais “Aprendendo cos nosos maiores” en Cabreiros (Xermade) os días 26 de maio e 2 e 9 de xuño. Calquera persoa que desexe inscribirse pode facelo neste boletín ou na páxina web do concello de Xermade, facéndoo chegar a Asociación de Veciños de Cabreiros (Casa Escola do Chao. C.P. 27824- Cabreiros- Xermade- Lugo). Nestes tres días conxugarase unha mistura de cultura popular, música, menciña, xogos e xoguetes tradicionis, visitas pola contorna... Estas Xornadas gratuítas teñen recoñecido un crédito de libre configuración das Universidades de Santiago e A Coruña.  

 

 

7. Actividades fóra de Lugo 

¨     Anímaste a unhas vacacións solidarias? Se queres coñecer de primeira man a cooperación internacional, varias ONGD’S están organizando as viaxes deste ano, como son Solidariedade Internacional, Enxeñeiros Sen Fronteiras ou Semilla para el cambio. Vive unha experiencia única achegándote a realidades moi distintas!

¨     Seminario de Debate “Muller e Poder: Reflexións sobre a carreira política feminina”, que terá lugar o vindeiro día 3 de maio no Centro Asociado da UNED da Coruña (R/ Pepín Rivero, 3; Aula 3.2), e que ten coma obxectivo crear un foro aberto de reflexión e debate en torno a problemática do desenvolvemento da carreira política dende unha perspectiva de xénero. Organizada pola Comisión de Estudos de Xénero da Asociación Luso-Galega de Antropoloxía Aplicada.

8. Apoios

¨     Salva la Selva pide a nosa sinatura para que o presidente do Goberno Español se preocupe máis do impacto ecolóxico e social que supoñen as petroleiras e se deixe de liortas diplomáticas con Arxentina. Máis.

¨     Avaaz tamén ten aberta unha campaña de recolleita de sinaturas para que a xigante transnacional Bayer deixe de fabricar os pesticidas que están acabando coas abellas. Aquí.