1.   O Recuncho da Cova

 

Ben querid@s compañeir@s, un ano máis comeza e dende a Cova queremos agradecervos que manteñades o vínculo que vos une a nós e promover o seu reforzo, se cabe. Dándolle voltas ao maxín pensamos que sería unha boa idea abrir un espacio voso e para vós nos boletíns semanais: 

“O recuncho da Cova”.

Nel poderedes incluír todo o que queirades compartir co grupo de persoas que conformamos a grande familia que é a Cova da Terra, tales como avisos, anuncios, trocos, peticións, novas, información, etc. A idea é que saquemos proveito desta comunidade de persoas que demos en xuntarnos aquí. 

Polo tanto, se estades interesad@s en colaborar do xeito que mellor vos pareza, nesta nova sección do Boletín, só tedes que enviar un correo a: [email protected] e poñer no asunto: O recuncho do Asociad@. 

Estamos desexando saber canto podedes aportar!

 

¨     Ruco proponnos que participemos nunha iniciativa que reclama que parte dos nosos impostos se dediquen a fins científicos. Se queres apoiar: dálle!

¨     Marta anímanos a participar de xeito activo en contra das cacerías do raposo cuxos campionatos comezaron esta fin de semana e se sucederán nas vindeiras... para máis información: Matar por matar non  

 

2.   Novas da tenda 

v Avisos 

A Cova da Terra, xunto coas asociacións galegas Árbore, A Xoaninha, e Panxea editou a fins do 2011 unha banda deseñada baseada no comercio xusto, baixo o debuxo e guión de Iago Araújo. Que é o comercio xusto? É o título que da nome á este material que se distribuirá de xeito totalmente gratuíto a tod@s vós. Con este traballo pretendemos achegar ao público o por que da necesidade dun comercio e consumo responsables.  

Achegádevos tamén polo voso caderno de consumo responsable, comercio xusto, soberanía alimentaria e finanzas éticas que na mesma liña do noso, acaba de editar a Asociación Canaria de Economía Alternativa chamado: Apuntes para OTRA ECONOMÍA POSIBLE. Tamén nesta ocasión, entregarémosvos un exemplar a cada socio ou asociado de xeito gratuíto. 

Achégate a recoller o teu exemplar de cada! 

 

v Novidades

¨     Apetéceche probar os novos refrescos naturais que temos na tenda? De saúco e de lanranxa con xenxibre de

Bionade!

¨     Tamén temos, de Comercio Xusto, anacardos naturais de Honduras e as novas infusións BIO de Ethiquable:

As de lanranxa e canela procedentes dos Andes, con propiedades relaxantes, e as de te verde com xenxibre e lima da India.

 

¨     Xa está á venda na Cova o número 165 da revista Diagonal, cos seguintes contidos a destacar:

O PP aplica a súa propia doctrina do shock

Gaña a tecnoloxía máis forte

Hai que crear conciencia da impunidade da policía

 

v Produto fresco

 

¨     Temos previsto que chegue o luns 16 de Gumendi:

Aguacate, Limón, Mazá golden, Mazá ganny smith, Pera conferencia Piña e Plátano.

Alcachofa, Apio, Berenxena, Brécol, Cabaciño,  Lombarda, Coliflor, Xenxibre, Leituga Batavia, Leituga Folla de Roble, Pemento vermello, Pemento verde, Porro, Seta shiitake, Tomate e Cenoria.

¨     O martes 17 de Fernando:

Espinaca, Escarola, Brécol, Rúcula e Canónigos.

¨     Tamén temos: Abelá do País con casca, Allo, Cabaza da Pontenova, Cebola do País, Kiwi de Negueira, Laranxas de Valencia, Noces do Caurel, Patacas Galegas, Pomelo, Olivas de Portugal e Remolacha.

Visita tamén a nosa tenda en liña

 

v Receita da semana

  Cuscús tradicional de Tunisia

Ingredientes 

·        150 gr de garabanzos ecolóxicos

·        300 dr de cuscús integral do Comercio Xusto

·        Aceite de oliva

·        2-3 cebolas grandes picadas

·        3-4 dentes de allo picados

·        2 cenorias

·        500 gr de cabaza

·        1 pemento verde e 1 pemento vermello

·        2 cabaciños

·        Cúrcuma, coentro, azafrán, comino, tomiño, ourego, loureiro, pementón vermello (facer un preparado con toda sestas especias)

·        Canela en rama ou moída

·        Unha culleradiña de panela

·        Tomate concentrado

Preparación

1.      Antes de facer este prato é preciso que os garabanzos estivesen en remollo durante 12 horas. Despois cócense con sal e resérvanse.

2.      Para facer o cuscús, quéntanse dúas partes de auga por cada unha de cuscús con sal eu n chorro de aceite de oliva. Cando coza a auga, engádeselle o cuscús e tápase ata que absorba toda a auga.

3.      Mentres, fritimos a cebola e os tomates nunha tixola co aceite e tódalas especias. Unha vez que está a cebola dourada e as especias ben mesturadas, engádeselle as verdura se unha pouca de auga. Déixase ao lume ata que as verduras estean brandas, momento no que se engadirán os garabanzos, déixase que estes se quenten e retírase do lume.

4.      Para servilo, coloca o cuscús en forma de coroa e as verduras no medio

 

 

3.   Boletín Kandaharia

v En Transición 1.0 - Da dependencia do petróleo á resiliencia local. (En inglés con subtítulos en castelán). Ver aquí.

“In Transition 1.0” é a primeira película detallada sobre o Movemento de Transición filmado pol@s que mellor o coñecen, @s que están facendo que ocorra sobre o terreo. Trátase dun movemento positivo, enfocado na procura de solucións, viral e entretido. Unha oportunidade histórica para construír un mundo renovado. 

v Que é o consumo colaborativo?

O último post do blog de Clemente Alvarez aborda de xeito completo e riguroso a idea de como podemos transitar dunha sociedade de propietarios a unha de usuarios, onde o relevante non sexa a propiedade senón ter acceso ao uso. Unha dinámica que obrigatoriamente nos leva a unha cultura do compartir, máis que da posesión. Un exemplo ilustrativo sería o dunha taladradora, que de media é utilizada uns 15 minutos por usuário ao longo da vida.

Clemente presenta algúns informes e exemplos moi didáticos, plantexando como é bastante probable o desenvolvemento de mercados de redistribución (segunda man, troco, agasallo...), dos estilos de vida colaborativos (coches compartidos, bancos de tempo, intercambio de casas de vacacións, préstamo de terras de cultivo...) e o fomento do servicio do produto máis que o propio obxecto (unha persoa non paga por levar unha bicicleta á casa, senón polo dereito a empregar as dun sistema público, ou unha lavanderia comunitária). Recomendamos unha visita por este suxerente texto e pola web de Consumo Colaborativo.

 

v Espertando a Pepiño Grilo: Outro consumo é posible

Achegámonos ao blog “Non me pidan calma” de Xosé Cuns nesta colaboración de Beti Vázquez sobre a  importancia do noso consumo, na loita contra a pobreza e das posibilidades da economia alternativa. Ler artigo.

 

4.   Actividades en Lugo

v Reunión informativa sobre o Centro de Experimentación con animais

A Asociación Estudiantil de Natureza e Defensa Animal (AENDA) convida a tod@s os interesad@s a asistir a unha reunión informativa co director xerente do Hospital Veterinario Rof Codina, D. Luis Felipe de la Cruz Palomino,  na que falará sobre o Centro de Experimentación que se proxecta facer en Lugo.

Será este martes día 17 ás 19.00 h no aulario da Facultade de Veterinaria (aula 5). Adxuntamos pdf informativo. Prégase difusión. 

 

5.   Actividades fóra de Lugo

v Os documentais de AGARESO  

Dentro do acordo acadado entre AGARESO (Asociación Galega de Reporteiros Solidarios) e a CRTVG, mediante o que AGARESO cede gratuitamente os dereitos dos seus documentais para a súa emisión en diferentes canles da televisión pública galega, proxectouse o pasado venres o documental “Pequenas doses de supervivencia: Os rostros do Comercio Xusto” na segunda canle da TVG (tvG2), elaborado en Ecuador e coa colaboración de Amarante e a Xunta de Galicia. “Pequenas doses de supervivencia: Os rostros do comercio xusto” pretende analizar o proceso de cambio que, grazas ao comercio xusto e a cooperación internacional, entre ela a galega, se produce nas comunidades agrícolas ecuatorianas, permitindo unha maior igualdade de oportunidades, unha mellora das condicións de vida das clases máis baixas e avanzar cara unha equidade de xénero real. 

Nas próximas semanas emitiranse outros dous documentais de AGARESO, “Non che doe”, gravado en diferentes comunidades rurais de Nicaragua; e “Golfo de Fonseca: A loita por un futuro sostible”, rodado en El Salvador, Nicaragua e Honduras, e premiado recentemente pola Fundación Biodiversidad, dependente do Ministerio de Medio Ambiente y Medio Rural y Marino.  

v A. C CreArte (Sarria)

§  Charla: O decrecemento como alternativa. Venres día 3 de febreiro ás 20 h en Sarria. Poñente: Marcos Gay Varela, Presidente de ATTAC Galicia.  

 

§  Agricultura ecolóxica. Vida de aldea. Poñente: Xosé R. Rodríguez. Sábado 10 de marzo ás 20 h.

 

 

6.   Cursos

v CreArte. Asociación Cultural de Sarria. Novos cursos ano 2012. Ler o pdf informativo. 

v Proxecto Eco-eLabora: Formación para a industria agroalimentaria ecolóxica. O proxecto ofrece formación, asesoramento e intercambio de coñecementos entre operadores da industria agroalimentaria ecolóxica e convencional, co obxectivo de motivar  a estes últimos a emprender o proceso de conversión das súas empresas a un sistema máis respetuoso coa saúde e o medio ambiente. Para saber máis, clica aquí.

v Agroecoloxía. Nestas dúas ligazóns podedes atopar a información necesaria para facer a vosa inscripción.

Curso de Agroecoloxía en Lugo Marzo 2012

Programa do Curso