1.     Semana do Comercio Xusto

O día do Comercio Xusto xa pasou e, con el, todas as actividades que organizamos dende A Cova da Terra para conmemorar a data e promover un xeito de comercio alternativo. Foi unha semana de moito traballo pero mereceu a pena. Cremos firmemente en que é posible outro xeito de facer as cousas e sodes vós, os que participastes nas actividades, os que demostrades que non imos desencamiñad@s.

Fostes moit@s e distint@s os que enchestes a Cova o martes e o venres, e moitos máis, os que ateigastes a Praza Maior o sábado, colaborando no Mercado Popular. Queremos agradecer a vosa participación, sen a que todo isto sería imposible e animarvos a seguir na loita porque, unha vez mais, demostramos que as persoas que compartimos obxectivos e ideais podemos, mediante a auto-organización a solidariedade e o respecto, facer desta, unha realidade mellor.

Tras o éxito e cos folgos renovados, dámosvos as grazas por saír á rúa demostrar que outra economía é posible.

Ao longo desta semana subiremos á web da Cova  fotografías das actividades... bótalles un vistazo!

2.     O Recuncho do Asociad@ 

¨       Orlando de SOS COUREL infórmanos de que a Dirección da Estación Científica do Courel (USC) organiza o día 26 de maio (sábado pola mañá) unha ruta para limpar o camiño de Samos ao Courel. Dita actividade ten como obxectivo deixar perfectamente transitable o camino Real, entre o Alto da Pedra e Samos. Os 15 quilómetros repartiranse en  tres tramos, e os  voluntarios dividiranse en tres grupos (un para cada tramo). Para apuntarvos enviade un mail a [email protected] e informade das ferramentas que podedes levar (fouces, forcadas, desbrozadoras, motoserras, remolque de coche…) ou se acudiredes simplemente como  peón raso  con guantes de traballo J.

¨       Miguel anímanos a participar co “Colectivo os martes consumo 0” que propón que todos os martes de 22.00 a 22.30 fagamos un apagón eléctrico ata que baixen o I.P.C. É un xeito de protesta polos prezos abusivos.

¨       Nestor achéganos o cartaz sobre a concentración que se celebrará o 19 de maio ás 14.00 h no aparcadoiro da prisión de A Lama contra os abusos que parece que están exercendo os funcionarios sobre os presos.

¨       E se che dicimos que Ramón deixa o seu Citroen ZX Volcane 1.9 gasolina (Data de matrícula 1991) e coa ITV pasada ata decembro por só 300 €? Se estás interesad@ escríbelle a [email protected]

3.     Novas da tenda 

v Avisos

¨     Achégate á cafetería da Cova para botar un ollo ao novo número de Le Monde Diplomatique. 

¨     Ademais aquí tedes un adianto da revista Opcions que axiña teremos na tenda! Ver 

v Produto fresco 

Houbo un problema co envío de produtos de Navarra polo que non chegarán ata o mércores pola tarde. Isto causa un trastorno enorme xa que o xoves é festivo. Despois de estudar detidamente como se presenta a semana decidimos o seguinte:

¨       Produto de Fernando (Valdoviño), virá unicamente o martes á mañá: Espinaca, acelga, chícharo, repolo, coliflor, leituga batavia, brécol, canónigos e rúcula.

¨       Produto de Gumendi (Navarra), virá unicamente o mércores á tarde: plátano, berenxena, cabaciño, esparrago verde, xudía, tomate, leituga batavia e cenoria.

         4.     Boletín Kandaharia

·        “SUMA E SIGUE I” Artigo extraído do blog Pensaleando sobre a necesidade de cambiar cara un sistema bancario ético e responsable. Ler 

·        A Agricultura Ecolóxica Elude a Crise. Artigo de La Opinión Coruña. Ler 

·        Contos protesta:  A Ave Lira, O Sapo, O Cuco e A comunicación das tartarugas (Gustavo Duch). Ler 

·        Chamamento do Doutor Rath á toda a población sobre os lobbys farmacéuticos. Ver vídeo. 

5. Actividades en Lugo 

·         O venres día 25 de maio no edificio da Deputación de Lugo ás 20:00 proxectarase o documental  “Mirar a la ventana” que  narra a historia de 12 mulleres estremeñas que, na década dos ’90, se vincularon ás campañas de desobediencia civil, non violenta, pública, aberta, transformadora, colectiva e ilegal denominada: Insumisión. Ver o trailer e o evento no facebook. (Xuntamos cartaz) 

·         A escola de Escola de Tempo Libre BULIDEIRA  impartirá o Curso Monográfico de Xogos Adaptados á Discapacidade; PODO XOGAR EU? Para máis información chama ao 669432111 e pregunta por Ramón García ou envía un correo-e a: [email protected] 

6. Actividades fóra de Lugo 

¨     Manifestación Nacional en Defensa da Lingua en Santiago de Compostela o xoves 17 de maio ás 12.00 na Alameda. Queremos Galego chama a ateigar as rúas compostelás no día das nosas letras. Sairán autobuses de tódalas grandes cidades do país. O texto que se lerá ao remate da manifestación foi elaborado polo escritor Agustín Fernández Paz, un dos autores máis destacados e premiados da literatura galega actual. Baixo o título “Voares de esperanza” Paz crea un fermoso manifesto a prol da nosa lingua e a súa defensa.

¨     A Asociación de Desenvolvemento Rural "Mariñas - Betanzos" está a organizar un obradoiro sobre Agricultura Ecolóxica, que se desenvolverá os vindeiros meses de Xullo, Agosto e Setembro (xuntamos folleto). Se queres máis información chama ao 981 669 541. 

¨     A Asociación Galicia Verde (Forcarei-Pontevedra) programa os seguintes cursos: Maio, día 26: “EFT (Técnica de liberación emocional)”; Xuño, días 16 e 17 ou en Xullo os días 7 e 8 “Iniciación á Ecoagricultura e compostaxe”; Días 30 e 01 xullo, “Recoñecemento práctico de especies vexetais”.